Шу хиллий Урдунехь ловзаргахь?

Урдунехь нохчаша дуььххьара ехкинчу яртех цхьан хан яьлча шахьараш хилла. Масала Заркъе, Сувейл, СухIне. Оцу гIалнашкахь бехачу нохчаша диц ца до дайн ламасташ: дика а, вуон дерзор, хьаша тIеэцар, марха дастар, зудаялор. Иштта Заркъерачу цхьана нохчочо Сувейлера нускал далийна, хIоттийначу ловзаргахь нисвеллера Маршо Радион корреспондент Казбек Эрсно а.